Роналду бу ёғига тортолмайди

Бразилия терма жамоаси, “Реал” ва “Бавария” клублари собиқ футболчиси Зе Роберто энг кўп гол урган ҳужумчи Криштиану Роналду 40 ёшига тўп тепишига ишонмаяпти.

- Криштиану Роналду – гол урадиган машина. Лекин мен унинг 40 ёшгача ўйнашига ишонмайман. У ҳар доим юқори савияда ўйнаган, совринлар ютиш ва дунёнинг энг зўр ўйинчиси бўлишга интилган. Охирги икки йилдан у ўзи истаганидек ўйнай олмаяпти. У юксак индивидиуал мукофотларга даъвогарлик қила олмай қолган.  Роналду ҳозирча яхши ўйнаяпти, лекин кейинроқ паст савияда тўп тепишдан кўра, тўхташни маъқул топади, - деди Зе Роберто.

Зе Робетонинг ўзи фаолиятини 43 ёшида “Палмейрас” клубида якунлаган.

37 ёшли Криштиану эса жорий мавсумда “Манчестер Юнайтед” учун 31 та ўйинда рақиблар дарвозасига 15 та тўп киритди.