Роналду энг зўр тўпурар ким эканини кўрсатиб қўйди

“Ювентус” ҳужумчиси Криштиану Роналду Италия чемпионатининг навбатдаги турида “Парма” дарвозасини икки марта ишғол қилиб, жамоасининг 3:1 ҳисобидаги ғалабасини таъминлади.

Шу тариқа, португалиялик ҳужумчи 2020 йилдаги голлари сонини 33 тага етказиб олди. Роналду Европанинг энг кучли беш чемпионатида йил давомида кўп гол уриш бўйича “Бавария” ҳужумчиси Роберт Левандовскидан ўзиб кетди. Польшалик ҳужумчи йил бошидан бери рақиблар дарвозасига 32 та тўп киритган эди.

Учинчи ўринда бораётган “Лацио” тўпурари Чиро Иммобиле ҳисобида 26 та гол бор.

Роналду жорий мавсумда А Серияда 12 та гол билан тўпурарлар баҳсида якка пешқадамга айланди.