Роналду Европага қайтишга қарор қилди ва клуб ҳам танлади

Португалиялик юлдуз ҳужумчи Криштиану Роналду Саудия Арабистони чемпионатида бошқа ўйнашни истамаяпти. "El Nacional" нашри хабарига кўра, 38 ёшли футболчи 2023 йил бошида текинга қўшилган "Ан-Наср"ни тарк этишга қарор қилган.

Криштиану фаолиятининг энг яхши йилларини ўтказган "Реал" Мадридга қайтишни истайди. Бироқ "қироллик клуби" бошлиқлари португалияликни футболчи сифатида ўз сафига қўшиб олмоқчи эмас. "Қаймоқранглилар" президенти Флорентино Перес Роналдуга элчи ёки раҳбариятдан жой таклиф қилишга тайёр.

Эслатиб ўтамиз, Криштианунинг риёдликлар билан шартномаси 2,5 йилга мўлжалланган.