Роналду жазодан қутилиб қолди

Криштиану Роналду одобсиз ишораси учун жазодан қутулиб қолди.

"Ал-Ҳилол"га қарши ўйиндан кейин (0:2) "Ан-Наср" ҳужумчиси "Месси, Месси!", деган бақириқларга жавобан одобсиз имо-ишора қилди.

Саудия Арабистони футбол федерациясининг интизом ва ахлоқ қўмитаси бу иши учун Роналдуни жазоламади.

Бундай қарорга қўмита фақат ўйинлар расмий трансляторидан олинган видеоларни кўриб чиққани, ижтимоий тармоқлардаги мухлислар олган видеоларни кўрмагани сабаб бўлди.

Аввалроқ саудиялик адвокат Ноуф бин Аҳмад 38 ёшли португалияликнинг хатти-ҳаракати туфайли прокуратурага даъво аризаси билан мурожаат қилиши, бу борада Криштиану Саудия Арабистонидан депортация қилиниши ҳақида хабар берилган эди.