Роналду келаси мавсумда қаерда ўйнашини очиқ айтди

“Ан-Наср”да тўп тепаётган Криштиану Роналду мухлисларга келажак режалари ҳақида маълумот берди.

- Футбол мухлислари ўзимни бахтиёр ҳис қилишимда муҳим аҳамият касб этади. Мен ҳам шунга яраша жавоб беришга ҳаракат қиламан.

Мен бу мавсумда ўйнашда давом этяпман. Кейинги мавсум ҳам шу ерда бўламан. Кейин танамнинг ҳолатига қараб, нима қилишни ўйлаб кўраман.  

Мен ўзимни Саудия Арабистонида бахтли ҳис қиляпман. 38 ёшимда ҳам жамоага ёрдам бера оляпман, - деди Криштиану Роналду.

Роналду “Ан-Наср”да 2023 йилнинг январидан бери тўзп тепмоқда. Унинг шартномаси 2025 йилнинг ярмигача тузилган.

Португалиялик юлдуз умумий голлари сонини 900 тага етказиш ва терма жамоаси сафида 2024 йилги Европа чемпионатининг финал босқичида қатнашмоқчи эканини таъкидлади.