Роналду: Кўпчилик кўчада тўхтатиб, мендан “Реал”га қайтишимни сўрашади

Туриннинг "Ювентус" клуби форварди Криштиану Роналду "Реал" мухлислари ундан яна Мадридга қайтишни сўрашини айтди.

“Испаниялик мухлислар менга ҳамиша яхши муносабатда бўлишган, мен буни унутмайман. Менинг ҳаётим – очиқ китоб. Мадридликлар мени яхши кўришади, улар “Реал”га қанчалик кўп нарса берганимни билишади.

Кўпчилик кўчада тўхтатиб, мендан “Реал”га қайтишимни сўрашади. Улар Мадрид менинг уйим эканлигини айтишади. Бу сўзларни эшитиш эса мен учун ёқимли.

Баъзилар ёшим нуқтаи назаридан футболдан кетишим кераклигини айтишади. Лекин, мен барчани ҳайрон қолдиришни хоҳлайман”, - дейди 34 ёшли португалиялик футболчи.

Эслатиб ўтамиз, Роналду 2009-2018 йилларда “Реал” шарафини ҳимоя қилган.