Роналду “Манчестер Сити” футболчиларига ёқмайдиган маслаҳат берди

“Манчестер Сити” жорий мавсумда ўйин ва натижалар борасида катта инқирозни бошдан ўтказди. Бош мураббий Хосеп Гвардиола жамоаси чемпионлик учун курашдан чиқиб кетганини тан олди.

“Ан-Наср”да ўйнаётган 39 ёшли  Криштиану Роналду “шаҳарликлар” тушган ҳолатга изоҳ бериб, ўйинчиларга ўзини қандай тутиш йўлини ҳам кўрсатди.

- Ҳар қандай жамоада юксалиш ва пасайишлар бўлиши табиий ҳол. Ҳозир “Манчестер Сити” учун ана шундай ёқимсиз вазият юзага келган. Бироқ бу жамоа ундан чиқиб кета олади.

Мен “Манчестер Сити” футболчиларига оммавий ахборот воситаларида ақллилик қилгунча, бор маҳоратини майдонда кўрсатишни маслаҳат бераман, - деди Криштиану Роналду.