Роналду машина тагида қолган мушугини даволаш учун Испанияга жўнатди

"Ювентус" ҳужумчиси Криштиану Роналдунинг мушуги шикастланди. Туринда "Пепе" лақабли уй ҳайвонини машина уриб юборди. 

"Marca" нашрининг ёзишича, 3 минг евролик мушук Роналдунинг шахсий самолётида даволаниш учун Испанияга юборилган. 

Маълумот учун, "Пепе" бу сфинкс зотига оид мушук ва бу турдаги жониворлар камёб ҳисобланади. Дунёда бу турдан атиги саккизтагина бор. Роналду икки йилдан буён бу ҳайвонни боқмоқда.