Роналду: "Мессигача Аргентина нечта жаҳон чемпионлигини қўлга киритган? Улар учун бу одатий ҳолат"

Португалия терма жамоаси ҳужумчиси ва сардори Криштиану Роналду Аргентина терма жамоаси учун катта турнирларда ғалаба қозониш одатий ҳол экани, унинг Португалия терма жамоасидаги фаолияти бошлангунига қадар эса терма жамоа сезиларли ютуқларга эришмаганини таъкидлади.

- Мен учун сен энг буюк ўйинчисан. Месси, менимча, Аргентина учун ҳам энг буюк футболчи эмас. Марадона ундан яхшироқ эди.

- Раҳмат. Мессигача Аргентина нечта жаҳон чемпионлигини қўлга киритган? Улар учун бу нормал ҳолат. Аргентина ҳам Бразилия каби йирик турнирларда ғалаба қозонишга ўрганиб қолган. Агар Португалия жаҳон чемпионатида ғалаба қозонса, бу ҳаммани ҳайратда қолдиради.

Португалия билан учта чемпионликни қўлга киритдим. Бунгача Португалия ҳеч нарса ютмаганди. Мен жуда бахтлиман, - деди Роналду журналист Пирс Морганга берган интервьюсида You Tube-каналидаги видеода.

Португалия терма жамоаси таркибида 40 ёшли ҳужумчи Евро-2016 ғолиби бўлди, шунингдек, икки марта Миллатлар лигасида (2019, 2025) ғолиб чиқди.