Роналду Мессининг маошини аниқлашга урингани фош бўлди

Криштиану Роналду ҳар жабҳада Лионель Месси билан рақобат қилиб келган. El Mundo нашри аргентиналик юлдуз “Барселона”да ўйнаб юрганида Роналду унинг қанча маош олаётганини аниқлашга ҳаракат қилганини ошкор қилди.

Тақдимот маросимларининг бирида Роналду “Барселона”нинг ўша даврдаги президенти Хосеп Бартомеудан рақобатчисининг қанча пул олаётганини аниқлашга урингани айтилмоқда.

Бартомеу Криштиануга “Мен сенга аниқ маълумотларни бера олмайман, лекин биз Мессига сенга “Реал” тўлаётган сумманинг икки бараваридан кўпроқ пул беряпмиз”, деб жавоб қайтаргани келтирилди.

Манбанинг далолат қилигича, шу суҳбатдан сўнг, Криштиану Роналду “Реал”дан кетишга розилик берган ва  “Ювентус”га ўтган экан.