Роналду Модрични "Ан-Наср"га ўтишга кўндирмоқчи

Лука Модрич "Реал" билан хайрлашишга яқин. "Todofichajes" нашрининг хабар беришича, тажрибали ярим ҳимоячи фаолиятини Саудия Арабистони чемпионатида давом эттириши мумкин.

Манбага кўра, Модричнинг янги клуби "Реал"нинг собиқ ҳужумчиси Криштиану Роналду тўп сураётган "Ан-Наср" бўлади. Португалиялик ҳужумчи Лука билан музокаралар олиб борди ва собиқ жамоадошини ҳозирги клубига ўтишни таклиф қилди. Агар 38 ёшли хавбек Саудиядага кўчиб ўтса, унинг маоши йилига 30 миллион евро атрофида бўлади.

Эслатиб ўтамиз, Модрич 2012 йилнинг ёзидан бери Мадрид гранди сафида тўп сурмоқда. Унинг шартномаси жорий мавсум охирида якунига етади.