Роналду мухлисаси сабаб Эронга бора олмаяпти

Криштиану Роналду Осиё Чемпионлар лигасининг "Истиқлол" жамоасига қарши ўйин учун Теҳронга бормади. Бир кун олдин "Ан-Наср" клуб келаётган ўйинда иштирок этиши мумкин бўлган футболчилар рўйхатини эълон қилди ва унда Роналдунинг исми йўқ эди.

"RMC Sport" нашрининг хабар беришича, Роналду 2023 йилда содир бўлган воқеа туфайли ўйинга бормаган. Ўшанда Криштиану оёқлари билан расм чизадиган ногирон қизга миннатдорчилик билдирган эди. Машҳур футболчи қизни қучоқлаб ўпган.

Эронда эса турмуш ўртоғи бўлмаган қизга нисбатан бундай муносабатни билдириш зино деб ҳисобланади. Бунинг учун қамоқ жазоси ёки 99 тагача қамчи уриш жазоси берилиши мумкин.

Маълумот учун, аввалроқ португалиялик юлдуз "Персеполис"га қарши баҳс учун ҳам жамоа қайдномасига киритилмаган эди.