Роналду МЮ футболчиси сифатида "Тоттенхэм"га мағлуб бўлмаган

"Манчестер Юнайтед" футболчиси Криштиану Роналду "қизил иблислар" сафида ҳеч қачон "Тоттенхэм"га мағлуб бўлмаган. У МЮдаги фаолияти мобайнида "тақачилар"га қарши 16 учрашувда майдонга тушган. 

Мазкур 16 баҳсда унинг жамоаси 10 ғалаба ва 6 дуранг натижа қайд этган. Ушбу ўйинларда португал 10 та гол уришга эришган. 

Эслатиб ўтамиз, кеча "Тоттенхэм" билан бўлиб ўтган баҳсда Роналду рақиб дарвозасига 3 та гол киритишга муваффақ бўлди. Шу тариқа, у клубининг муҳим ғалабасига катта ҳисса қўшди.