Роналду МЮга қайтганидан афсусда

"Манчестер Юнайтед" ҳужумчиси Криштиану Роналду сўнгги ойлардаги фаолиятидан норози бўлмоқда.

37 ёшли футболчи "Олд Траффорд"га катта умидлар билан қайтганди, аммо жамоадаги бошқарувчиларнинг ўзгариши ва совринлар учун кам имкониятлар уни жиддий хафа қилди.

Daily Star хабарига кўра, португалиялик футболчи агенти Жорже Мендешдан мавсум охирида жамоани тарк этиш вариантларини топишни сўраган.

Роналду "Манчестер Юнайтед"даги келажаги борасида якуний қарорни ёзда, янги мураббий номи маълум бўлганда қабул қилади.

Эслатиб ўтамиз, ҳужумчи ўтган йилнинг август ойида МЮга қайтган ва шундан сўнг "қизил иблислар" сафида 25 та ўйин ўтказиб, 14 та гол ва 3 та голли узатмани амалга оширган.