Роналду ўзининг янги дунёга келган фарзандлари билан суратга тушди

Мадриднинг “Реал” клуби ва Португалия терма жамоаси ҳужумчиси Криштиану Роналду ўзининг “Instagram”даги саҳифасида куни кеча дунёга келган фарзандлари билан тушган суратини эълон қилди.

Илгарироқ, 32 ёшли футболчининг бир неча кун аввал суррогат онадан бўлган эгизак фарзандлари дунёга келгани ҳақида хабар берган эдик.

Қайд этиш жоиз, Роналду фарзандларини кўриш учун Португалия терма жамоаси лагерини тарк этиб, АҚШга йўл олган эди.

У суратга “Ҳаётимда янги икки муҳаббат кириб келганидан бахтлиман”, – деб  изоҳ қолдирган.