Роналду Португалия машғулотларига қайтгани ҳақида гапирди

Криштиану Роналду Португалия терма жамоаси машғулотларидан суратлар жойлаштирди. 

Роберто Мартинес шогирдлари март ойидаги йиғин давомида Евро-2024 саралаши доирасида Лихтенштейн ҳамда Люксембург терма жамоаларига қарши майдонга чиқади. 

"Миллий терма жамоага қайтганимдан ва Португалия вакили эканлигимдан жуда хурсандман", - деб ёзди 38 ёшли ҳужумчи.

 

Қайд этиш лозим, Португалия 23 март куни Лихтенштейнни қабул қилади. Люксембургга қарши сафар ўйини 26 март куни бўлиб ўтади.