Роналду қаттиқ афсусда!

Нидерландия футболининг яқин ўтмишдаги юлдузларидан Рууд Гуллит португалиялик тўпурар Криштиану Роналдунинг “Манчестер Юнайтед”га қайтиши унга надомат келтирганини айтди.

- Роналду “Манчестер Юнайтед”га қайтганидан қаттиқ афсусда, деб ўйлайман. Криштианунинг ўзи  очиқ айтмаётган бўлса-да, у Манчестерга ўтмишдаги ёрқин хотиралар сабабли келганди. Роналду ҳаммаси яхши бўлишини кутганди.

Криштиану барча танқидчиларнинг овозини ўчириб қўйишни истайди. У мана шу ишни уддаламоқчи, - деди Рууд Гуллит.

Роналду ўтган йили ёзда “Ювентус”дан “Манчестер Юнайтед”га кўчиб ўтганида икки йиллик шартнома тузган эди. Манчестерликлар Чемпионлар лигасига чиқа олмагани учун португалиялик тўпурар жамоадан кетиш истагини билдирган.