Роналду қўрққан иш амалга ошмоқда. Месси португалияликнинг яна бир рекордига етиб олди

Дам олиш куни ПСЖ сафарда “Клермон”ни 5:0 ҳисобида мағлуб этди. Парижликларнинг бешта голидан иккитасига ҳужумчи Лионель Месси муаллифлик қилди.

“Transfermarkt” маълумотига кўра, Месси 21-асрда қайд этган дубллари сони бўйича Криштиану Роналдуга етиб олди. Бунда фақат Европанинг кучли 5 чемпионатларидаги футболчиларнинг клуб ва терма жамоадаги ўйинлари ҳисобга олинган.

Лионель Месси ва Криштиану Роналду 205 тадан дубл қайд этишди. Шу билан бирга, аргентиналик рақибига қараганда бироз кам ўйин ўтказган (976 ва 1091).

Кейинги ўринлардан Роберт Левандовски (135), Златан Ибрагимович (98), Карим Бензема (87), Луис Суарес (79), Эдинсон Кавани (77), Серхио Агуэро (74), Эдин Жеко (70) ва Уэйн Руни (66) жой олган.

Маълумот ўрнида, бир неча ой олдин Роналду Чемпионалар лигаси энг яхши тўпурари номини Мессига бериб қўймаслик учун “Манчестер Юнайтед”ни тарк этмоқчилиги ва ЕЧЛда иштирок этадиган жамоа билан шартнома имзолашни истаётгани ҳақида миш-мишлар тарқалган эди.