Роналду рақиб жамоа аъзоси билан суратга тушишни истамади ва уни итариб юборди (ФОТО)

"Ан-Наср" ҳужумчиси Криштиану Роналду кеча Саудия Арабистони чемпионатининг 26-туридан ўрин олган “Ал-Халиж”га (1:1) қарши ўйиндан сўнг у билан селфига тушишга уринган рақиб жамоа аъзосини туртиб юборди.

Учрашув якунланганидан сўнг 38 ёшли португалиялик футболчи меҳмон жамоа футболчилари билан суҳбатлашди ва улардан бирига футболкасини совға қилди.

Аммо “Ал-Халиж” клуби аъзоларидан бири майдонни тарк этаётган пайтда Роналдуни қучоқлаб, у билан селфи туша бошлаганида, Криштиану уни итариб юборди ва унинг танасидан қўлларини олишига ишора қилди.

Маълумот учун, Роналду Саудия Арабистони чемпионатида сўнгги 4 та ўйинда бор йўғи 1 та гол урди.