Роналду рақибга сирини очди

Италия чемпионатида Криштиану Роналдуга қарши ўйнаган “Специя” жамоаси ҳужумчиси Эммануэль Гьяси португалиялик ҳужумчи унга муваффақият сирини ўргатганини маълум қилди.

- Учрашувдан сўнг, майдондан чиқишда мен Роналду билан озгина суҳбатлашдим. Роналду мен ва шу қатори барча ёш футболчилар учун илҳом манбаи эканини ўзига айтдим. Гапларимдан мамнун бўлди. Кейин менга миннатдорлик билдириб, муваффақият сирини очди. Бунга эришишим учун қаттиқ меҳнат қилишим, мақсадларим йўлида тўхтамаслигим, шундагина ҳаётда ҳамма нарсага эга чиқишим мумкинлигини маслаҳат берди, - деди Эммануэль Гьяси.

Криштиану Роналду ўша учрашувда Гьяси жамоаси дарвозасига бир жуфт гол урди.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)