Роналду: Руни ҳасад қиляпти

"Манчестер Юнайтед"нинг португалиялик юлдуз ҳужумчиси Криштиану Роналду собиқ жамоадоши Уэйн Рунининг танқидларига жавоб берди.

Роналду ижтимоий тармоқларда Руни ва Жейми Каррагернинг биргаликдаги суратига изоҳ қолдирди. 37 ёшли португалиялик футболчи иккала собиқ футболчи ҳам шунчаки ҳавас қилишаётганини ёзди.

Эслатиб ўтамиз, бундан олдин Руни Роналдунинг ўйинини танқид қилган ва португалиялик энди аввалгидек эмаслигини таъкидлаган эди.

Жорий мавсум Криштиану Роналду Англия чемпионатида 24та ўйин ўтказиб, 12та гол урди.