Роналду суперклубдан ўзини олишни сўрамоқда

“Ювентус” ҳужумчиси Криштиану Роналдунинг келажаги ҳамон  мавҳумлигича қолмоқда. Португалиялик тўпурарнинг ўзи ҳам Туриндан кетишга тайёр.

Роналду ўзининг таниқли агенти Жорже Мендеш орқали ўз хизматларини “Манчестер Сити”га таклиф қилди.

“Ювентус” раҳбарияти ҳам йилига 31 миллион евро маош олаётган юлдуздан тезроқ қутилишга қарши эмас. Шу боис, туринликлар Роналдуни 30 миллион еврога қўйиб юборишга тайёрлигини билдирган.

Жорже Мендеш ўз мижозини “Манчестер Юнайтед”, “Реал” ва ПСЖга жойлаш бўйича музокаралар ўтказган, лекин бу клубларнинг бирортаси португалиялик ҳужумчининг хизматларидан фойдаланишни истамаган.