Португалия терма жамоаси ҳужумчиси Криштиану Роналду кеча Мисрга қарши бўлиб ўтган ўртоқлик баҳсида дубль қайд этди.

Эътиборлиси, 33 ёшли футболчининг бу голлари нафақат жамоасига ғалаба келтирди, балки у терма жамоалар таркибида энг кўп гол киритган футболчилар кучли учлигига кириб олди. Аниқроғи Португалия термаси сафидаги голлари 81тага етган Роналду бу борада 3-ўринда бораётган япониялик Кунисигэ Камамотони (80) ортда қолдирди.

Бу борада Криштиану фақат венгриялик Ференц Пушкаш (84) ва эронлик Али Даилардан (109) ортда қолмоқда.