Роналду ва Месси бир соврин учун рақобатлашмоқда

Йил якунида анъанавий тарзда энг яхши футболчига бериладиган Globe Soccer Awards мукофотига номзодлар эълон қилинди.

Номзодлар орасида Криштиану Роналду (“Манчестер Юнайтед”), Киллиан Мбаппе, Лионель Месси (иккаласи ҳам ПСЖ), Карим Бензема (“Реал”), Роберт Левандовски (“Бавария”) ва Муҳаммад Салоҳ (“Ливерпуль”) бор.

Тақдирлаш маросими 27 декабрь куни Дубай шаҳрида бўлиб ўтади.

Аввалроқ ушбу совринни Роналду (6 марта), Радамель Фалкао, Франк Рибери, Месси (ҳар бири 1 мартадан) қўлга киритган. Баъзи маълумотларга кўра, Globe Soccer Awards асосчиси Роналдунинг агенти Хорхе Мендес ҳисобланади.