Роналду “Юве” раҳбариятидан нимани сўрайди?

Криштиану Роналду “Ювентус”га жамоани Европа Чемпионлар лигасида ғолибликка етаклаш учун олиб келинган. Чунки туринликлар ички чемпионатда португалиялик юлдузсиз ҳам қийинчиликсиз ғалаба қозониб келаётган эди.

Лекин аксига олиб, Роналду келганидан буён “Ювентус” қитъанинг энг нуфузли мусобақасини нимчорак финалдаёқ тарк этмоқда.

Бу гал ҳам клуб мусобақадан чиқиб кетганидан кейин йилига 31 миллион евро маош олаётган Роналдунинг трансферга қўйилиши ҳақида хабарлар урчиб кетди. Бироқ, туринликлар вице-президенти Павел Недвед тўпурар ҳужумчи жамоада қолишини маълум қилди.

Охирги хабарларга қараганда, Криштиану Роналду май ойида клуб раҳбарияти билан учрашади. 36 ёшли футболчи раҳбарларга Чемпионлар лигасида ғолиб чиқиш учун таркибни шунга яраша шакллантириш ва кучайтириш лозимлигини тушунтирмоқчи.

Аввалроқ, “Ювентус” хўжайинлари агар жамоа жорий мавсум якунларига кўра, Чемпионлар лигасига йўлланма ола билмаса, Андреа Пирло ишдан олинишини  билдирганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)