Роналду "Ювентус" раҳбариятидан Рамосни сотиб олишни сўрамоқда
"Ювентус" клуби форварди Криштиану Роналду "Реал"даги собиқ жамоадоши Серхио Рамосни Туринда кўришни хоҳламоқда.
AS нашри тарқатган хабарга кўра португалиялик футболчи “кекса синьора” раҳбариятидан 33 ёшли испаниялик футболчини сотиб олишни сўраган. Айтиш керакки, Рамоснинг товон пули 800 млн евро ҳисобланади. Бироқ, унинг ўзи ҳам “қироллик клуби”дан кетишни режалаштирмоқда.
Маълумот учун, Рамос “Реал” сафида 2005 йилдан буён тўп суриб келмоқда. У жорий мавсум 42та ўйинда майдонга тушди ва ўз ҳисобига 11та гол ҳамда 2та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.
Фикрлар