Роналдуга 30 та клубни таклиф қилишди
Таниқли футбол агенти Жоже Мендеш ўз мижози Криштиану Роналдуга ёзги трансферлар вақтида 30 клубни таклиф қилгани маълум бўлди. Бу ҳақида журналист Бруно Андраде хабар берди.
Ёзда 37 ёшли ҳужумчи “Манчестер Юнайтед”дан кетиш истагини билдирганида Менеш унга фаолиятини давом эттириши мумкин бўлган 30 та клуб рўйхатини берган. Роналду улар орасидан учтасини танлади.
Манбанинг таъкидлашича, Криштиану фаолиятини давом эттирмоқчи бўлган учала клуб ҳам, ҳужумчини ўз сафига қўшиб олишни истамаган.
Шундан кейин, португалиялик тўпурар яна бешта клубни танлаб берди. Бироқ, Жорже Мендеш уларни ҳам трансферга кўндира олмади.
Таъкидлаш жоизки, Криштиану Роналду жаҳон чемпионати вақтида “Манчестер Юнайтед” билан шартномаси бекор қилинганидан кейин ҳали ҳам ўзига жамоа топгани йўқ.
Фикрлар