Мадриднинг "Реал" клуби ҳужумчиси Криштиану Роналду "Олтин тўп"ни қўлга киритади ва унга мазкур соврин Франция пойтахти - Париж шаҳридаги Эйфель минорасида топширилади. Бу ҳақда Mundo Deportivo хабар бермоқда.

Ушбу тақдирлаш маросими "Реал"нинг ЕЧЛ 6-турида "Боруссия"га қарши ўйинидан сўнг 7 декабр санасида бўлиб ўтади. Тақдирлаш маросимида Жером Ревон ва собиқ футболчи Давид Жинолалар иштирок этади.

Қайд этиш жоиз, Роналду бунга қадар "Олтин тўп"ни 2008, 2013, 2014 ва 2016 йилларда қўлга киритган.