Роналдуга йўл бўлсин! Месси бу ишни уддалаган биринчи футболчи бўлди

MLS плей-офф босқичининг нимчорак финалида “Интер Майами” футболчилари “Нэшвилл” қаршилигини енгиб ўтди.

Дастлабки икки ўйин натижасига кўра, вазият 1:1 ҳисоби бўлиб турганди. Томонларнинг учинчи учрашувида Лионель Месси катта саҳнага чиқди.

38 ёшли юлдуз “Нэшвилл” дарвозасини икки маротаба ишғол қилиб, битта ассист қайд этди ва жамоасининг 4:0 ҳисобидаги ғалабасига катта ҳисса қўшди.

Бу баҳс аргентиналик юлдуз учун тарихий аҳамият касб этди. Месси футбол тарихида ассистлари сонини 400 тага етказган биринчи ва ҳозирча ягона ўйинчиси айланди.

Лео энг кўп ассистни фаолиятининг катта қисмини ўтказган “Барселона”да амалга оширган. Каталония клуби футболчилари Мессининг пасидан кейин 269 та гол уришган.

Саккиз карра “Олтин тўп” соҳиби Аргентина терма жамоадошларига 60 та ҳолатда гол уришига кўмаклашган. Шунингдек, Мессининг ПСЖдаги ассистлари сони 34 тани ташкил қилса, “Интер Майами”га келганидан бери 37 та самарали пас узатган.