Роналдуни кетказиб бўлмайди!

“Реал”нинг собиқ ҳужумчиси Предраг Миятович мадридликларнинг трансфер сиёсатини танқид қилди.

- Биз зўр ўйинчиларимизни бошқа жамоаларга ёрдам беришига йўқ қўймаслигимиз керак. Улар фақат “Реал” учун ўйнаши шарт. Амалда бундай бўлмаяпти. Клуб тархидан жой олган Рауль, Фернандо Йерро ва Икер Касильясдан воз кечишди. Ҳозир Серхио Рамос уларнинг вазиятига тушишга яқин. У билан икки-уч йиллик шартнома қилиб, фаолиятини “Реал”да тугатишига имкон бериш лозим.

Агар менинг қўлимда бўлганида, Криштиану Роналдунинг ҳам кетишига йўл қўймасдим. Лука Модрич ҳам жамоада қолиши керак. Тўғри, уларнинг жисмоний ҳолати аввалгидек эмас, лекин тажрибали ва машҳур ўйинчилар клубга келаётган ёшларни тарбиялашда муҳим ўрин тутади, - дейди Миятович.