Роналдуни “қонга белашди” (фото)

“Эвертон” майдонидаги сафар учрашуви “Манчестер Юнайтед” юлдузи Криштиану Роналду учун ҳар томонлама омадсиз бўлди.

Кичик ҳисобда имкониятни бой берган Ральф Рангник шогирдлари Европа Чемпионлар лигасига чиқиш имкониятидан узоқлашиб кетди. Роналдунинг ўзи рақиб дарвозасига йўл топа олмади.

Бундан ташқари, “Эвертон” футболчилари португалиялик юлдузни аяб ўтиргани йўқ. “Гудисон Парк”даги тўқнашувда мезбонлар Роналдунинг оёғига шу қадар кўп зарба бердики, Криштиану ўйиндан кейин қонаган ва бутса изларидан қолган жароҳатини намойиш қилди.

Криштиану Роналду жорий мавсумда жами 34 та учрашувда ўз ҳисобига 18 та гол ва учта ассист ёздириб қўйди.