Роналдуни соғинаётган “Реал” ниҳоят супер тўпурар олмоқда
“Реал” президенти Флорентино Перес жамоанинг сермаҳсуллигини ошириш учун “Бавария” ҳужумчиси Роберт Левандовскини олиб келишга қарор қилди.
Маълумки, Криштиану Роналду “Ювентус”га ўтиб кетганидан буён мадридликларда тўпурар ҳужумчига катта эҳтиёж сезилмоқда. Мадридликлар бу эҳтиёжни ёш ҳужумчилар – Килиан Мбаппе ва Эрлинг Холанд эвазига қондирмоқчи эди. Лекин бу икки тўпурарни бу йилги трансферлар ойнаси вақтида қўлга киритишнинг имкони йўқ.
Шунинг учун Флорентино Перес тўпурар ҳужумчи масаласини 31 ёшли польшалик футболчини олиб келиш орқали ҳал қилишни истамоқда. Левандовски Бундеслигада айнан Перес истаган натижаларни қайд этмоқда. У сўнгги беш мавсумда 40 тадан кўп гол урмоқда. Жорий мавсумда 25 та ўйинда рақиблар дарвозасини 27 маротаба ишғол қиллди ва учта голли пас узатди.
Фикрлар