Роналдунинг "Ювентус"дан "Манчестер Юнайтед"га ўтиши кутилмоқда

"Ювентус" форварди Криштиану Роналду мавсум сўнггида Турин клубини тарк этиши мумкин.

Испания нашрлари хабарига кўра, португалиялик футболчи учун ПСЖ ва "Манчестер Юнайтед"дан таклиф ҳам бор.

Таъкидланишича, Роналдунинг "Олд Траффорд"га қайтиш эҳтимоли клубнинг Чемпионлар лигаси йўлланмасини қўлга киритишига боғлиқ.

Эслатиб ўтамиз, олдинроқ, Криштиану "Ювентус"га трансферидан афсусланаётгани ҳақида хабарлар тарқалган эди.