Ronalduning agenti bilan uchrashdim!

“Barselona” prezidenti Joan Laporta “Manchester Yunayted” hujumchisi Krishtianu Ronaldu, “Manchester Siti” futbolyaisi Bernardu Silva manfaatlarini himoya qilayotgan agent Jorje Mendesh bilan uchrashganini tan oldi.

- Men Jorje Mendesh bilan uchrashganim va transfer bozori masalalarini muhokama qilganim rost. Ronaldu “Barselona”ga kelishi haqida so‘rashmoqda. Lekin men qaysi o‘yinchilar haqida gaplashganimizni aytmayman, - dedi Joan Laporta.

Krishtianu Ronaldu “Manchester Yunayted”ning mavsumoldi yig‘iniga kelmagani uning jamoadan ketishi haqidagi xabarlarni avj oldirmoqda.

Shuningdek, Bernardu Silva ham “Manchester Siti”dan ketib, faoliyatini Kataloniya superklubida davom ettirishni istayapti.