Ronalduning jamoasi yana bir super transferni amalga oshirish arafasida

"Manchester Siti" himoyachisi Emerik Lyaport faoliyatini Saudiya Arabistoni chempionatida davom ettiradi.

"Shaharliklar" Krishtianu Ronaldu o‘ynaydigan "An-Nasr" klubining 29 yoshli ispaniyalik futbolchi borasidagi taklifini qabul qilishdi. Lyaportning o‘zi ham Saudiya Arabistoniga ko‘chib o‘tishga tayyor.

Ma’lumot uchun, Emerik "Mancheter Siti"da 2018 yildan beri to‘p surib kelmoqda. Bu vaqt ichida u klub bilan 13 ta sovrin, jumladan Chempionlar ligasi va 5 ta Premer-liga chempionligini qo‘lga kiritdi.

Futbolchi o‘tgan mavsum APLda atigi 12 ta o‘yinda maydonga tushdi.