Роналдунинг ўзи йўқ, лекин изи бор!

Бу йилги Чемпионлар лигасининг ҳал қилувчи палласи давом этмоқда. Кўпчиликнинг эътиборини турнир тўпурарларининг кўрсаткичлари қизиқтиради.

Гарчи “Ювентус” мусобақани эрта тарк этган бўлса-да, жамоа ҳужумчиси Криштиану Роналдунинг рекордлари айни пайтда турнирдаги иштирокини давом эттираётган Лионель Месси ва Роберт Левандовски учун навбатдаги  чўққи ва марра вазифасини ўтамоқда.

Демак, бир мавсумда кўп гол уриш бўйича энг юқори натижалар билан танишинг:

17 гол - Криштиану Роналду (“Реал”), 2013/14 йилги мавсум

16 гол - Криштиану Роналду (“Реал”), 2015/16 йилги мавсум

15 гол - Криштиану Роналду (“Реал”), 2017/18 йилги мавсум

14 гол - Лионель Месси (“Барселона”), 2011/12 йилги мавсум

13 гол - Робер Левандовский (Бавария), 2019/20 йилги мавсум

Шунингдек, Чемпионлар лигаси тарихида энг кўп гол урган футболчилар орасида ҳам айнан Криштиану Роналду етакчилик қилмоқда. Португалиялик ҳужумчи бу турнирда 170 ўйинда 130 та гол урган.

Иккинчи ўриндаги Лионель Месси “Барселона” сафида 142 марта майдонга тушиб, рақиблар дарвозасини 115 маротаба ишғол қилган.

Кучли учликни якунлаган “Реал”нинг собиқ юлдузи Рауль ҳисобида 142 та ўйинда 72 та гол бор.

Роберт Левандовски эса 87 та учрашувда 66 та гол урган ва унинг яқин йиллар ичида Раулнинг кўрсаткичини қувиб ўтиш эҳтимоли юқори.   

 

Матнда хатолик топсангиз, ўша хатони белгилаб, бизга жўнатинг (Ctrl + Enter)