Роналдунинг қўлидан ҳеч нарса келмади!

Айни пайтда “Дерби Каунти” бош мураббийи бўлиб ишлаётган “Манчестер Юнайтед”нинг собиқ ҳужумчиси Уэйн Руни Криштиану Роналду ҳақида фикр билдирди.

- Роналдунинг трансфери фойда келтирдими? Ҳозирги вазиятдан келиб чиқиб, бу саволга “йўқ”, деб жавоб бераман. Ҳа у кўп тўп киритди, Чемпионлар лигасида муҳим голларни урди, лекин буларнинг бари дастлабки босқичларда бўлди.

Агар сиз клубнинг келажагини кўзласангиз, истеъдодли ёшлар, ғалабалар ва совринларга оч ўйинчилар билан ишлашингиз керак. Шунда 2-3 йилда “Манчестер Юнайтед”ни аввалги даражасига кўтариш мумкин бўлади.

Криштиану Роналду 20 ёш бўлганидек ўйнай олмаяпти, футболда бу оддий ҳол. “Манчестер Юнайтед”га ёш ва ғалабаларга чанқоқ футболчилар керак, - деди Уэйн Руни.

Роналду жорий мавсумда 31 та учрашувда 18 та гол урди ва учта голли пас узатди.