Роналдунинг собиқ агентига қўйган "ултиматум"и маълум бўлди

Криштиану Роналдунинг "Ан-Наср"га ўтиши унинг таниқли агенти Хорхе Мендеш иштирокисиз ўтди. Аввалроқ, ОАВда икки португалиялик ўртасидаги келишмовчилик ҳақида хабарлар пайдо бўлганди. "El Mundo Deportivo" нашри саҳифаларида вазият тафсилотлари тасвирланган материал эълон қилинди.

Манбага кўра, Криштиану Европанинг икки гигантидан бирига ўтишни истаб, Мендешга шарт қўйган.
"Сиз мени "Челси" ёки "Бавария"га ўтишимни таъминлайсиз, ёки иккимиз ортиқ ҳамкорлик қилмаймиз", - дея 37 ёшли ҳужумчининг гапларни келтиради юқоридаги нашр.

Қайд этилишича, бунга жавобан португалиялик агент Роналдуни "ақлдан озган" деб атаган.
Эслатиб ўтамиз, "Ан-Наср" билан музокараларни Криштиану Роналдунинг менежери Рикардо Регуфе олиб борди.