Роналдусиз "Ювентус" кетма-кет иккинчи ўйинда мағлуб бўлди

Италия А Серияси 3-туридан ўрин олган "Наполи" - "Ювентус" учрашуви ўз якунига етди. Қизиқарли кечган баҳсда туринликлар рақибга 1:2 ҳисобида имкониятни бой бериб қўйди. 

Ўйиннинг 10-дақиқасида ҳимоячиларнинг хатосидан сўнг Мората ҳисобни очди. Иккинчи бўлимнинг 57-дақиқаси ўтиб бораётган бир пайтда Политано мувозанатни тиклади. Ўйин якунига яқин захирадан майдонга тушган Мойзе Кин автоголга сабабчи бўлиб, рақиб жамоани ҳисобда олдинга олиб чиқди. 

Шундай қилиб, туринликлар илк 3-турда бир очко тўплаб, А Серия турнир жадвалида 16-ўриндан жой олди. "Наполи" эса уч ўйинда 100 фоизлик натижа билан карвонбошилик қилмоқда.  

Эслатиб ўтамиз, "кекса сеньора" ўтган турда ҳам "Эмполи"га минимал ҳисобда мағлуб бўлган эди.