
Rossiya klubi O‘zbekiston chempioni bilan kuch sinashdi. Futbolchimiz maydondan chetlatildi...
O‘z tarixida ilk bor O‘zbekiston chempionligini qo‘lga kiritgan “Nasaf” yangi mavsumga Turkiyada tashkil etilgan o‘quv-mashg‘ulot yig‘inida tayyorgarlik ko‘rmoqda.
Qarshiliklar navbatdagi o‘rtoqlik uchrashuvida Rossiya Premer-ligasi vakili “Fakel” bilan kuch sinashdi.
Uchrashuvda hisob ochilmadi.
“Nasaf” 55-daqiqada bir kishi kam bo‘lib qoldi. Javohir Siddiqov ikkinchi marotaba ogohlantirish olgandan keyin maydonni tark etishga majbur bo‘ldi.
“Nasaf” O‘zbekiston Superligasining yangi mavsumini 9 mart kuni boshlaydi. Shu kuni mamlakat chempioni o‘tgan yilgi chempionatni uchinchi o‘rinda yakunlagan “So‘g‘diyona” futbolchilari qabul qiladi.
Fikrlar