Россия Шотландиянинг рекордига нуқта қўйди

Россия терма жамоаси Евро-2020 саралаш босқичида Шотландия меҳмони бўлиб, 1:2 ҳисоби билан ғалаба қозонди.

Бунгача Шотландия терма жамоаси ўз уйида бўлиб ўтган расмий учрашувларнинг кетма-кет 5 тасида ғалаба қозонган эди. Бу шотландларнинг 21 йил давомида қайд этган энг юқори кўрсатгичи эди.

Шотландияликлар Кипр, Исроиль, Мальта, Словакия ва Албания терма жамоаларини ўз уйларида таслим этишганди.

Ушбу терма жамоанинг аввалги ғалабали серияси 1995 йилнинг августидан бошлаб, 1998 йилнинг октябрига қадар давом этган. Шунда улар кетма-кет 10 учрашувда ғалаба қозонишган эди.

Фикрлар

Фикр қолдириш учун авторизациядан ўтинг!