Россия терма жамоаси Бирлашган Араб Амирликларига қарши ўртоқлик ўйини ўтказиши мумкин

Россия терма жамоаси келажакда БАА терма жамоасига қарши ўртоқлик учрашуви ўтказиши мумкин. Бу ҳақда Бирлашган Араб Амирликлари футбол федерацияси хабар берди.

"БАА футбол федерацияси РФУ билан 18 ёшгача бўлган терма жамоалар ўртасидаги ўртоқлик ўйинлари бўйича келишиб олди. Балки май ойидан сўнг асосий жамоалар ўртасида ўртоқлик ўйинлари ташкил этиш бўйича музокаралар олиб борилиши мумкин".

Эслатиб ўтамиз, Россия терма жамоаси FIFA ва UEFA томонидан қўйилган тақиқ туфайли халқаро турнирларда қатнаша олмайди. Ўтган ой охирида Валерий Карпин шогирдлари Эрон (1:1) ва Ироқ (2:0) терма жамоаларига қарши ўртоқлик ўйинлари ўтказди.