Россиялик депутат терма жамоа устидан мазах қилганларга жарима солишни таклиф қилмоқда

Россия давлат Думаси депутати Виталий Милонов мамлакат терма жамоасини мазах қилганларни жаримага тортишни таклиф қилмоқда. Ушбу қонун лойиҳаси тез орада парламентга тақдим этилади.

“Мазах қилиш ва танқид қилиш бу турли ҳил нарсалар. Масалан футболчиларимиз майдонга чиқмасларидан олдин балчиққа белаб ташланди. Қолаверса, ҳар бир футболчи полициянинг ортидан қувиб, ариза ёзавермаслиги керак. Улар давлатимизнинг шаънини ҳимоя қилишмоқда. Шундай экан терма жамоа устидан кулиш, бу бутун мамлакатнинг устидан кулиш билан тенгдир. Уларни 10 минг рубль жаримага тортамиз”, - дейди депутат.

Эслатиб ўтамиз, ЖЧ-2018 стартига қадар тинмай танқид қилинган Россия терма жамоаси кеча мундиалнинг илк баҳсида Саудия Арабистони дарвозасига жавобсиз 5та тўп йўллаб, ғалаба қозонган эди.