Россиялик собиқ футболчи Шомуродов ва Файзуллаевни рус футболчиларини билан солиштирди

Россия чемпиони бўлган «Спартак» (Москва)нинг уч карра ғолиби Игорь Ледяхов Ўзбекистон терма жамоасининг жаҳон чемпионатидаги иштирокини баҳолади.

Эслатиб ўтамиз, гуруҳ босқичининг илк турида Ўзбекистон терма жамоаси Колумбияга 1:3 ҳисобида мағлуб бўлди.

— Ўзбекистон учун жаҳон чемпионати-2026га чиқишнинг ўзи катта ютуқ, — деди Ледяхов. — Колумбияга қарши ўйинда улар унчалик ишонарли кўринмади, лекин барибир Ўзбекистонни ҳурмат қилиш керак, чунки улар тарихда илк бор мундиалга йўл олди.

— Ўзбекистон ҳозир Россия терма жамоасидан кучлироқ, деган фикрга қўшиласизми? — Ўйлашимча, ҳозирча икки жамоа бир-бирига яқин даражада, — дея давом этди мутахассис. — Ўзбекистонда футбол ривожланяпти, футболчилари Европа мусобақаларида иштирок этяпти. Биз эса ўзимиз қай даражада эканимизни аниқ баҳолай олмаяпмиз.

— Ўзбекистон терма жамоасидаги қайси юлдузлар сизда катта таассурот қолдирган? — Шомуродов бизда «Ростов» таркибида ўйнаган, Файзуллаев ЦСКАда бўлган. Лекин уларга жавоб бера оладиган футболчилар Россияда ҳам бор. Бизда истеъдодли йигитлар етарли, муаммо шундаки, уларнинг аниқ даражасини кўра олмаяпмиз, — дея таъкидлади Ледяхов.

Жаҳон чемпионати-2026 гуруҳ босқичининг иккинчи турида Ўзбекистон терма жамоаси Португалияга қарши майдонга тушади.