Рўзиқул Бердиев матбуот анжуманида

“Бунёдкор” – “Насаф” (2:0) ўртасидаги ўйин якунланганидан сўнг, қаршиликлар устози Рўзиқул Бердиев матбуот анжуманида мағлубиятнинг сабабларини изоҳлади.

- Ўйинни хато билан бошладик. Кутилмаганда гол ўтказиб юбордик ва бу вазифамизни бироз оғирлаштирди. Голдан кейин ҳам бир нечта вазиятларни ярата олдик. Жуда ҳам қулай имкониятларга эга чиқдик. Қаердадир омад ёки тажриба етишмади. Албатта, биринчи ўринда натижа туради. “Бунёдкор” бугун ғалаба қозонди. Балки биз улардан яхшироқ кўрингандирмизу, аммо ғалаба ва омад “Бунёдкор” томонида бўлибди. Ҳаёт давом этади, кейинги ўйинларга тайёргарлик кўришимиз керак. Футболда вазиятлардан фойдаланмаслик қийин оқибатларга олиб келади. Биз бор имкониятдан фойдаланяпмиз. Ёш футболчиларимизда қаердадир совуққонлик ва тажриба етишмаётгани ўйинларда панд беряпти. Бу баҳона эмас, лекин вазиятни тўғрилашимиз керак.

- Жамоангиз энди ОФК Кубогида иштирок этади. Бугун эса футболчларингиз илк дақиқалардан ўша мусобақани ўйлагандек туюлишди. Бу ҳарактларида ҳам сезилди.

- Йўқ, бунга ҳали анча вақт бор. Ҳа, биз тушуниб турибмиз, олдимизда маъсулиятли учрашувлар турибди. Бугунги ўйинга ҳам жиддий ёндашгандик. “Бунёдкор” ҳам юқори ўринлар учун курашади. Қайсидир маънода бир-биримизга рақобатчи эдик. Шунинг учун бугун очко олишимиз жуда муҳим эди. Афсуски, биз кутгандек бўлмади.

- Ўйин давомида ҳакамларга кўп эътироз билдирдингиз. Уларга айнан қандай эътирозларингиз бор? Шунингдек, VAR ҳақида нима дея оласиз?

- Биласизларми, ўйинни бир маромда олиб бориш ҳакамларга жуда ҳам боғлиқ. Чунки хуштак унинг қўлида. Қарорларни у чиқаради. VARда ҳам ким ўтирибди, бизга қоронғу. Албатта, қайсидир вазиятларга норозичилигимиз бўлди. Аммо ўйинни қанчалик тўғри олиб бориш уларнинг қўлида. Қайсидир вазиятларда биз ҳам, халқ ҳам кўриб турибди. Билмадим, атайлабми ёки билмасданми хатолар қиляпти. Бу хатолар эса бизнинг фойдамизга эмас. Шунинг учун ўз эътирозимни билдирдим. Ҳакамларни муҳокама қилмаймизку, аммо хуштак уларнинг қўлида. Агар кимгадир ёмон нияти бўлса, кичкина фоллар билан ҳам қайсидир жамоага ёрдам бериши мумкин. Баъзида ҳакамларнинг қарорларини тушунмаймиз. Ўзинглар ҳам кўрдинглар, бир нечта баҳсли вазиятлар бўлди. Биз пенальти тепишимиз керак эди. Бир марта ҳам VARга келиб вазиятни кўрмади. Биз қандай норози бўлмаймиз?! Айтяпман-ку, ичкарида ким ўтирибди билмаймиз, қарорларни ўзи билганча чиқаришяпти. Атай қилишяптими ёки маҳоратсизликданми, билмадим. Футболдаги кўп нарса ҳакамнинг хуштагига ёки VARга боғлиқ. Айтяпман-ку, 3-4 та баҳсли вазият бўлди. Ҳакам тўхтатиб VARни кўрмади. Ичкаридагилар ҳам ўйнайвер деган бўлса, ҳеч нима бўлмагандек кетяпти. Иккаласи нимани гаплашишганини биз билмаймиз. Халқнинг норозичилиги бекорга эмас. Сизлар ҳам, биз ҳам кўриб турибмиз. VAR кўп нарсага ойдинлик киритиши керак. Иккиланадиган пайтларда VARдагилар ҳакамни чақириб, ўзинг кўр дейиши керак, менимча. Чунки асосий қарорни бош ҳакам чиқариши керак, VAR эмас. Ахир ҳакам бир марта ҳам VARга бориб кўрмади-ку!

- “Бунёдкор” билан кетма-кет иккита ўйин ва иккаласи ҳам турлича кечди. Биринчи учрашувга нисбатан бироз енгилроқ қаралмадимикин...

- Йўқ, ҳар доим “Бунёдкор”ни ҳурмат қилганмиз. Бу клуб ўтган даврларга нисбатан ҳозир бошқачароқ, оддийроқ ўйнаяпти. Балки бу бугунги ўйинда натижа бергандир. Олдин кўпроқ позицион ҳаракатлар билан ўйнашган бўлса, ҳозир фақат олдинга тепиш билан овора. Лекин бу уларнинг қараши ва натижа беряпти. Буни муҳокама қилмоқчи эмасман. Балки кубокдаги учрашувга бироз пастроқ ёндашгандирмиз. Чунки биз ҳам, “Бунёдкор” ҳам гуруҳдан чиқиб бўлгандик. Бугунги учрашув муҳим эди ва жиддийроқ қарагандик. Албатта, ғалаба билан “Бунёдкор”ни табриклаш керак, лекин қанчалик яхши ўйнамасанг ҳам натижа муҳим, дейишади.  

- Ҳужумда муаммолар бор. Ёзда Украинада ишлари юришмаётган Бобур Абдуҳолиқовни ижарага бўлса ҳам олиб келиш режаси борми?

- Бизда муаммолар кўриниб қоляпти. Шуни била туриб, бошида жамоа ўзагини сақлаб қолишни талаб қилгандим. Яхши ҳужумчини йўқотдик, ўрнига ҳеч кимни ололмадик. Бунга имкониятимиз ҳам бўлмади. Ҳозир ҳам имкониятимиз йўқ. Агар шу даражада кетадиган бўлса, бизда тажрибали ўйинчини таклиф қилишимиз учун эртага ҳам имконият бўлмайди. Агарда ОФК Кубогида яхшироқ қатнашсак, қандайдир маблағ ишлаб олишимиз мумкин. Шунинг эвазига нимадир қилса бўлар, яна билмадим. Бу ҳақида раҳбариятга савол берса бўлади. Кўряпмиз, олдинги чизиқда катта муаммоимиз бор. Норчаев ёмон эмас, тажрибаси ҳали камроқ. Иккита қулай вазиятдан фойдалана олмади. Ҳужумда рақобат камлиги учун 16 ёшли бола ҳам ўйнаяпти, шунга мажбур бўляпмиз. Шу боис ҳозирги ҳолатимизни тўғри қабул қилиш керак. Бизда юқори ўринлар учун курашишга ўрганиб қолганмиз, яхши футболчиларимиз кўп бўлган. Лекин шунга қарамасдан йигитларни имкон қадар яхши натижалар учун тайёрлаймиз.

- Тожикистондаги ўйинлар сунъий майдонда ўтказилади. Бу жамоага қанчалик қийинчилик туғдиради?

- Кечаги кундан режамиз анча ўзгарди. Футболчиларга бир кун дам берамиз. 7 майдан Тошкентда йиғилиб, Чиғатойдаги сунъий майдонда шуғулланамиз. 10 майда Тожикистонга бориб, у ерда ҳам кўпроқ сунъий майдонларда машғулотлар ўтказамиз. Шу боис, “Машъал” билан ўйин қолдирилди.

- Ўйин учун раҳмат. Аммо биринчи тентак голни ўтказгандан кейин йигитларда важоҳат пайдо бўлиши керак эди. Лекин буни жамоада кўрмадим. Чемпионатимиздаги энг яхши прессинг “Насаф”да. Футболчилар атайин интизомни сақлаб ўйнашга ҳаракат қиляптими? Фақатгина ўйин тугашига 20 дақиқада қолганида азарт пайдо бўлиши керакми?

- Тўғри айтдингиз, буни ўзларига ҳам кўп таъкидлайман. Спортчиларда характер, жаҳл бўлиши керак. Баъзи футболчиларимизга шу нарса етишмайди.  

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
Shaymardonov Nurbek Nasimovich
05/05/2021 13:13
Birinchi urunga uyinchila uzlarini jarohatdan saqlandi. keyingisi sudiya uyinni tempini tushurdi. oddiy misol. VAR murojat qilishdan oldin Nasaf qanday uynap yotuvdi. Nasaf endi shijoatni kuchaytersa sudiya uyinni sovutib quyapti. qisqasi. sudiyala. rasvo qildi. uyinni.
Akbarali Abdunazarov
05/05/2021 04:52
Иккинчи давради 2-3 та уйинчи олиб купайиб оладида 2 уринни олиб 1 даврада очко йукотишларимиз натижасида чемпион була олмадик деб узини узи алдам юради!
Akbarali Abdunazarov
05/05/2021 04:49
Эй журналистлао савол бермайсанлами нега буни майдонга туширдинг, 2 та каторасига уйинда шубха бор, балким Нефтегаз хомий булгани учун атайлаб килаяпсизми, уйламанг бошка камандаларда хам пул йук жаноб Бердиев деб айтмайсизларми! М.Абдуллаевга фарки йук ким ютиши ютказиши подход килманг, одамлар тушунмайди деб уйлайсизми деб айтинглар, М.Абдуллаев халол инсон, халолликни яхши куради у одам, санлани подходингни эмас! Р.БЕРДИЕВ юзингизни ерга каратиб сал уялинг!Агар зигирча таьсир этган булса!
Akbarali Abdunazarov
05/05/2021 04:39
Эй Бердиев! нима киласиз у деб бу деб, Судьяларга тармашиб, агар ман бугун ютказаман Нефтнгаз раиси М.Абдуллаев манга пул бермайди,подход (лаганбардорлик) учун, атайлаб ютказишим учун составни атайлаб кашка килиб куйдим денг дангалига! НЕГА Д.Саидовни бошидан майдонга тушираяпсиз, уйнашни узи хохламаяптику, бундан олдин 3 та уйинда майдонга захирадан тушмокда хохиши йукку, кеча жиянингиз Саьдуллаевни хам уйнатиш керак эди, Зойировни нима киласиз ютказиб турган уйинга киритиб бериб юборинг у пишмаган уйинчини пролигага узигаям айтинг шу гапларни, Шохмалик Комиловни уйнатсангиз буладику бошидан, шу хурмача киликларингиз жонга тегди, хар йили 2-3 та уйинларни атайлаб ютказиб келасиз, буни мухлислар билмайди, хис килмайди деб уйлайсизми, Тошкентга шунча мухлислар овора булиб, вактини кетказиб, пул сарфлаб Сизни оркангиздан борсаю сиз Сиз ААА килиб килсангиз, хамма жойни шоу килиб Эй Насаф бунедкорни камида 3 туп фарки билан ютадику, камандада таниш билишчиликни кони кариндошчиликни юкотинг, Зойиров билан Саьдуллаевни про лигага юкотинг улардан уйинчи чикмайди, таек еган куй улар, 500 та Тошкентга борган мухлисларни харажатини туланг, канча канча рузадор одамларни огзидан нима гаплар чикиб кетганини хис ишлаяпсизми, руза пайти уят эй Сизга! 1-2 та уйинларни ютсам ювилиб кетади, мухлислпрни эсидан чикиб кетади деб уйлайсизда, тепада худо бор согликни хам уйланг, одамларни каргиши урмасин яна! Товба килдим, адашган булсам узр!
&
нодирбек.фк насаф
05/05/2021 03:58
Унасини ешшак сексин узбекистон судяларини хаммасини худога солдим рузаи рамазон ойида нохакликлари учун оллох хаммангга оллох жазоингни берсин
05/05/2021 19:27
Hakamlarni ustidan hadeb sukinib ularni haqorat qilavermang taginam ular insofili bulmasa ularni olgan puliga markazdan Nasaf tomonga utgan harbir tup gol hisoblanishi kerak yanayam hakamlarimizda insof bor

Минбар

Барча блоглар