Рўзиқул Бердиев нега ўзини "Реал" клуби бош мураббийидек ҳис қилишини айтди
Ўзбекистон кубоги ярим финалида "Пахтакор" ўз майдонида "Насаф"ни қабул қилди. Беллашувда "шерлар" 2:1 ҳисобида зафар қучишди.
Ўйиндан кейин Рўзиқул Бердиев ўз фикрларини билдириб ўтди.
- "Пахтакор" клуби охирги ўйинларда бугунгидек жиддий рақибга учрамаганди, менимча. Чемпион жамоанинг майдонида уларга муносиб қаршилик кўрсата олдик. Учрашувнинг 30-40-дақиқасида эътиборсизлик қилдик. Бунинг оқибатида 2 та гол ўтказиб юбордик.
Рақибни яхши ўрганган эдик. Лекин эътиборсизлик оқибатида мағлубиятга учрадик. Умуман олганда, йигитларнинг ўйинидан қониқдим. "Пахтакор"ни бугунги ғалаба қа Суперлига чемпионлиги билан табриклайман. Энди бор эътиборимизни ички биринчиликка қаратамиз.
Йил бошида кўпчилик бизни чемпионатда жон сақлаш учун курашади деб ўйлаганди. Бу факт. Биз ҳам хоҳлаган эдик, ОЧЛда ўйнашни. Бироқ ҳали бунга салоҳиятимиз етарли эмас. Савияни кўтаришга ҳаракат қиляпмиз ва бунга эришяпмиз ҳам. Лекин катта ўйинлар учун бизга тажрибали футболчилар керак бўлади. Бундай ўйинчилар бизга камлик қилмоқда. Асосан ҳужум чизиғида. Ҳар қандай рақибга қарши беллашувларда вазиятлар яратмоқдамиз. Якунда Машарипов ёки Черандек маҳоратли футболчилар етишмаяпти. Шу боис ОЧЛга чиқиш имкониятимиз пасайгани мен учун фожеа эмас. Йил бошида олдимиздаги вазифа шу таркибни ўстириш эди.
Жамоамиз агарда янги марраларни кўзласа, ҳозирги таркибни олиб қолади, албатта, бу футболчилар билан ҳали узоқ йиллик шартномаларимиз бор. Бу таркибни ушлаб қолиб, шакллантирган ҳолатда кучли футболчиларни ҳам жалб этсак, кейин биз бемалол ОЧЛ ҳақида ўйлай оламиз. Шундай бўлиши ҳам керак. Чунки «Насаф» ҳам «Пахтакор» сингари халқимизнинг севимли жамоасига айланиб улгурди. Биздан ҳамма натижа кутади. Мағлуб бўлган ўйинларда ўзимни «Реал Мадрид» бош мураббийидек ҳис қиламан. «Насаф» доим медаль олиши керак, кубок ютиши керак, жамоамизга мана шундай талаблар бор мухлислар томонидан, - деди мураббий.
Фикрлар
Лекин насаф жамоасини хурмат киламан
Мужик команда омад
Mablag bulsa kerakli uyinchilarni olishi mumkin.
Xozirgi tarkib bn uff ochlga chiqanni quymaydi.