РПЛда яна бир клуб ёшлар жамоаси билан ўйнаши мумкин

“Оренбург” клубининг 10 нафар аъзосида коронавирус аниқланган ва улар карантинга олинган эди.

Хабарларга қараганда, катта эҳтимол билан Россия премьер-лигасининг 25-туридан ўрин олган “Урал”га қарши ўйинда оренбургликларнинг ёшлар жамоаси иштирок этади.

Эслатиб ўтиш лозимки, “Оренбург” ўтган тур “Краснодар”га қарши ўйинда қатнашмагани учун тартиб-интизом қўмитаси жамоа ҳисобига мағлубият ёзган эди.

“Оренбург” айни дамда РПЛ мусобақа жадвалида 15-ўринда бормоқда.

Бундан аввалроқ, ҳамюртимиз Элдор Шомуродов тўп сурадиган “Ростов” клуби ҳам карантинга олингани сабаб “Сочи”га қарши ўйинга ёшлар жамоасини майдонга туширишга мажбур бўлган эди. Ушбу ўйинда “Сочи” 10:1 ҳисобида зафар қучди.