Руни: “Манчестер Сити” чемпионлик пойгасида “Ливерпул”ни ортда қолдиради деб умид қиламан

АҚШнинг "Ди Си Юнайтед" клубида фаолият олиб бораётган ҳужумчи Уэйн Руни жорий мавсум АПЛдаги чемпионлик пойгаси ҳақида тўхталиб ўтди.

“Манчестер Сити” чемпионлик пойгасида “Ливерпул”ни ортда қолдиради деб умид қиламан. Мен “Ливерпуль” мухлисларининг хурсандчилигини оддий қабул қила олмайман. Бу барча “Эвертон” ишқибозлари учун қўрқинчли бир туш.

2005 йилда улар Чемпионлар лигасида ғолиб чиқишганини яхши эслайман. Уларнинг мухлислари ҳалигача бу ҳақда гапиришади. Агар “Ливерпуль” АПЛда чемпион бўлса, улар бу воқеани яна 15 йил эслатиб юришади”, - дейди Руни.

Эслатиб ўтамиз, “Ливерпуль” айни дамда “Манчестер Сити”дан 2 очко кўп жамғарган ҳолда премьер-лига мусобақа жадвалида пешқадамлик қилмоқда. Бироқ, “шаҳарликлар” 1та ўйин кам ўтказишган.