Рунининг ўғли "Манчестер Сити" академиясига қабул қилинди

“Манчестер Юнайтед” клуби ва Англия терма жамоаси собиқ ҳужумчиси Уэйн Рунининг ўғли Кай "Манчестер Сити" академиясида шуғулланиш ҳуқуқига эга бўлди. Бу ҳақда The Sun нашри хабар тарқатмоқда.

Гап шундаки, 9 ёшли Кай оиласи АҚШга кўчиб кетгунича айнан “шаҳарликлар” сафида таҳсил олар эди. 2016 йилгача эса МЮда шуғулланган.

Эслатиб ўтамиз, Руни 2020 йилнинг январида Англияга қайтади ва “Дерби Каунти”да ўйновчи мураббий сифатида иш олиб боради.

Маълумот учун, Рунининг 4 нафар фарзанди бор. Кай уларнинг энг каттаси ҳисобланади.