"Сабер" қизлар жамоамиз "Аёллар дзюдо лигаси"да иштирок этиш учун Россияга жўнаб кетди

Эртага, 17 август куни Россия Федерациясининг Санкт-Петербург шаҳрида дзюдо бўйича клублар ўртасидаги "Аёллар дзюдо лигаси" мусобақаси старт олади. 

Ўн иккита жамоа 4 та гуруҳга бўлиниб, бош соврин учун баҳс олиб борадиган ушбу турнирда ўзбек дзюдоси тарихида илк бор "Сабер" аёллар жамоаси юртимиз шарафини ҳимоя қилади. Дзюдо маликаларимиз терма жамоа бош мураббийи Андрей Штурбабин бошчилигида Санкт-Петербург шаҳрига жўнаб кетди. 

"Сабер" жамоаси "Аёллар дзюдо лигаси"нинг "Б" гуруҳида мезбонларнинг "Турбостроител" ҳамда Самара шаҳрининг "Спорткоманда 63" жамоаларига қарши баҳс олиб боради. Илк бор клублар мусобақасида қатнашаётган қизларимизга ғалаба ва омад ёр бўлсин.

Жамоамиз таркиби:

-52 кг: Муҳайё Аҳматова 
-52 кг: Фотима Турсунбоева
-57 кг: Шукуржон Аминова
-63 кг: Сарвиноз Ҳусанова
-70 кг: Хуршида Раззоқбердиева
+70 кг: Ирисхон Қурбонбоева
+70 кг: Моҳларойим Тўхтамишева

Мураббийлар: Андрей Штурбабин, Қаҳрамон Нуриллаев

Бу ҳақда Ўзбекистон дзюдо федерацияси матбуот хизмати хабар бермоқда.